Í árslok verða 50 ár liðin frá stofnun Hitaveitu Suðurnesja, forvera HS Orku. Af því tilefni býður HS Orka íbúum Reykjanesbæjar og öllum gestum Ljósanætur til afmælissögusýningar í Gryfjunni í Duus safnahúsum. 

Sýningin er framlag HS Orku til hátíðarinnar í ár.  Á sýningunni, sem hönnuð er í samstarfi við Gagarín, er dregin upp mynd af einstakri frumkvöðlahugsun og framsýni, sem fylgt hafa fyrirtækinu í hálfa öld.  

Aðgangur að sýningunni er ókeypis.  

Áætlað er að sýningin standi út septembermánuð en að Ljósanótt lokinni gilda almennir opnunartímar safnahúsanna.