Flokkar:

  • Almennt
  • Börn
  • Íþróttir & tómstundir
  • Saga
  • Sýningar
  • Tónlist
  • Útisvið
  • Veitingar

Dagar:

  • Miðvikudagur
  • Fimmtudagur
  • Föstudagur
  • Laugardagur
  • Sunnudagur

Valdar síur:

Close

Print iconPrenta alla viðburði

Sölupláss á Ljósanótt 2017

Þeir einstaklingar og félagasamtök sem hyggjast vera með sölu af einhverju tagi á Ljósanótt 2017 eru vinsamlegast beðnir að hafa samband við umsjónarmann söluplássa á netfangið sala@ljosanott.is  eða í síma 847 2503 og tilkynna um þátttöku. Leyfilegt er að vera með torgsölu frá fimmtudeginum 31. ágúst til sunnudagsins 3. september.

Handverkstjald  

er 144 m2 tjald þar sem leigð eru út 16 misstór pláss til sölu á eigin framleiðslu/handverki og í einstaka tilfellum til kynningar á sérvörum eða góðgerðarmálefnum.

Almennt sölusvæði

er svæði þar sem viðkomandi leigir afmarkaðan reit á opnu sölusvæði/torgsölu sem rúmar skúr/vagn/tjald þar sem heimilt er að selja allan viðurkenndan varning eða veitingar.

Greidd er svoköllað „aðstöðuleiga“ fyrir sölupláss á almennu sölusvæði og gert er ráð fyrir því að salan fari fram á einum stað.  Þeir sem hafa fleiri en einn útsölustað greiða aðstöðuleigu fyrir hvert sölupláss/staðsetningu.

Nánar um almennt sölusvæði

Staðsetning og stærð söluplássa á almennu sölusvæði er samkvæmt yfirlitsmynd
 

Vegna veitingasölu og almennrar torgsölu á hátíðarsvæði

  • Þeir sem hyggjast selja matvæli þurfa að hafa leyfi frá viðkomandi heilbrigðiseftirliti (leggja þarf fram gilt starfsleyfi heilbrigðiseftirlits sveitarfélags). Umsóknareyðublað um nýtt starfsleyfi má nálgast hér:
  • Tjöld/vagnar þurfa að uppfylla brunavarnir skv. leiðbeiningum um "Brunavarnir í samkomutjöldum 71.4 Br. 2. Sjá nánar hér:

Þeim sem ekki uppfylla ofangreind skilyrði er óheimilt að stunda sölumennsku á hátíðarsvæði Ljósanætur.

Rétt er að benda leiguliðum á að  koma með sín eigin slökkvitæki, eldvarnarteppi og sjúkrakassa þar sem sá búnaður er ekki  innifalinn í leigunni.

Kostnaður vegna torgsölu á almennu sölusvæði er eftirfarandi 

  • Aðstöðu-/reitaleiga er 50.000 kr fyrir Ljósanæturhelgina.
  • Umgengnistrygging er 15.000 kr (sjá skýringar neðar).

Söluaðili er vinsamlegast beðinn að senda sem fyrst stærð grunnflatar aðstöðu sinnar (sölutjald/bíll/sölubás) á sala@ljosanott.is og helst mynd af aðstöðunni. 

Hver sölureitur afhendist með einni rafmagnssnúru 10 Amp tengli (2.200 Watt). Þurfi söluaðili meira rafmagn greiðist fyrir það sérstaklega, kr. 3.000 (umfram 1 x10 Amp tengill).

Dagskrá og úttektir tjalda

  • Dagskrá á föstudagskvöld verður við smábátahöfnina í Grófinni
  • Dagskrá á laugardag verður á hátíðarsviði á yfirlitsmynd sölusvæðis
  • Úttektir tjalda og aðstöðu fara fram á föstudeginum 1. september

Greiðslur

verða  að berast í síðasta lagi mánudaginn 28. ágúst 2017 á reikning Ljósanætur. Senda skal kvittun úr heimabanka viðkomandi á netfangið: sala@ljosanott.is og er áríðandi er að sett sé í tilvísun: númer sölupláss og nafna leiguliða.

Reikningur Ljósanætur er: kt. 511005-1830 Reikn.nr 0142-26-511006.  Leigutökum verður afhent leyfisbréf sem eiga að vera sýnileg á sölustað.

Íþrótta- og félagasamtök í Reykjanesbæ

greiða ekki aðstöðugjald/reitarleigu fyrir sölupláss/torgsölu á Ljósanótt.  Þau þurfa þó að fara í sama umsóknarferli og aðrir söluaðilar, uppfylla sömu skilyrði til torgsölu og greiða umgegnistryggingu.
 

Umgengnistrygging

að upphæð 15.000 kr er hugsuð sem trygging fyrir góðri umgengni um tjöldin/svæðið og endurgreiðist hún fyrir 20. sept til viðkomandi leiguliða hafi hann skilað tjaldinu/svæðinu óskemmdu, hreinu og öllu rusli hafi verið komið í tilheyrandi ruslagáma.

Fyrir hönd framkvæmdaráðs Ljósanætur

karfa.png